Templates by BIGtheme NET
Home >> Cinema News >> విరాటపర్వం’ నుంచి నేచురల్ బ్యూటీ పర్ఫెక్ట్ ఫెస్టివల్ లుక్..!

విరాటపర్వం’ నుంచి నేచురల్ బ్యూటీ పర్ఫెక్ట్ ఫెస్టివల్ లుక్..!


దగ్గుబాటి రానా – సాయిపల్లవి జంటగా నటిస్తున్న తాజా చిత్రం ”విరాటపర్వం”. దర్శకుడు వేణు ఊడుగుల తెరకెక్కిస్తున్న ఈ చిత్రానికి ‘రివల్యూషన్ ఈజ్ యాక్ట్ ఆఫ్ లవ్’ అనేది ఉపశీర్షిక. నక్సలైట్ బ్యాక్ డ్రాప్ లో రూపొందుతున్న ఈ చిత్రంలో కామ్రేడ్ రవన్న పాత్రలో రానా కనిపించనున్నాడు. ఇప్పటికే విడుదలైన ఫస్ట్ గ్లిమ్స్ – టీజర్ – ‘కోలు కోలు’ పాట విశేషంగా ఆకట్టుకున్నాయి. ఈ క్రమంలో ఉగాది కానుకగా సాయి పల్లవికి సంబంధించిన ఓ స్పెషల్ పోస్టర్ ని విడుదల చేశారు.

సాయి పల్లవి ఇందులో లంగా వోణి ధరించిన పల్లెటూరి అమ్మాయిగా అందంగా కనిపిస్తోంది. ఇంటి గడపకు పసుపు రాస్తూ నవ్వుతూ ఉన్న ఆమె నేచురల్ గా ఉంది. ఫెస్టివల్ మూడ్ కి తగ్గట్టుగా వదిలిన ఈ పోస్టర్ అందరిని ఆకట్టుకుంటోంది. ఈ చిత్రంలో వెన్నెల అనే యువతి పాత్రలో సాయి పల్లవి కనిపించనుంది. కాగా దగ్గుబాటి సురేష్ బాబు సమర్పణలో సురేష్ ప్రొడక్షన్స్ మరియు శ్రీలక్ష్మి వెంకటేశ్వర సినిమాస్ బ్యానర్ పై సుధాకర్ చెరుకూరి ఈ చిత్రాన్ని నిర్మిస్తున్నారు.

‘విరాటపర్వం’ చిత్రంలో ప్రియమణి – నివేథా పేతురాజ్ – నందితా దాస్ – నవీన్ చంద్ర – ఈశ్వరీరావు – జరీనా వహాబ్ – సాయిచంద్ – బెనర్జీ – రాహుల్ రామకృష్ణ – నాగినీడు తదితరులు ఇతర ప్రధాన పాత్రలు పోషించారు. ఈ చిత్రానికి సురేష్ బొబ్బిలి సంగీతం సమకూరుస్తుండగా.. డానీ సాంచెజ్ లోపెజ్ – దివాకర్ మణి సినిమాటోగ్రఫీ అందిస్తున్నారు. శ్రీకర్ ప్రసాద్ ఎడిటింగ్ వర్క్ చేస్తున్నారు.