బాలయ్య పై షాకింగ్ కామెంట్స్ చేసిన జూ||ఎన్టీఆర్‌ హీరొయిన్

క్యాస్టింగ్ కౌచ్ విషయంలోనూ పాయల్ చేసిన కామెంట్లు, ఆరోపణలు మామూలు సంచలనాలు కావు. డైరెక్టర్ అనురాగ్ కశ్యప్ మీద పెద్ద ఎత్తున విమర్శలు చేసింది. ఆమె ఎప్పుడూ బాలీవుడ్ మీద అసంతృప్తితోనే ఉంటుంది. ఆమెకు వీలు చిక్కునప్పుడల్లా బాలీవుడ్ మీద ఏదో రకంగా కౌంటర్లు వేస్తూనే వస్తుంటుంది. తాజాగా మరోసారి స్పందించింది. బాలయ్య ఈ వయసులోనూ ఎంతో కష్టపడి హిట్లు ఇస్తున్నారు.. ఆయన్ను చూసుకుని బాలీవుడ్ ఎంతో నేర్చుకోవాలని అందరి పరువుతీసింది.

ఎన్టీఆర్‌తో పని చేయడంతో పాయల్ ఘోష్.. యంగ్ టైగర్‌కి ఫ్యాన్ అయిపోయింది. ప్రపంచ స్థాయి నటుడు అవుతాడని ఆర్ఆర్ఆర్ కంటే ముందే, ఓ నాలుగేళ్ల క్రితమే ట్వీట్ వేసింది. ఇక ఆర్ఆర్ఆర్‌తో ప్రపంచ స్థాయిలో ఎన్టీఆర్ గురించి మాట్లాడటంతో.. అప్పుడెప్పుడో వేసిన ట్వీట్ బయటకు తీసి.. తాను అప్పుడే చెప్పానని, ఆయన సత్తా తనకు తెలుసని పాయల్ చెప్పుకొచ్చింది. మీరా చోప్రా, యంగ్ టైగర్ అభిమానులకు ఆ మధ్య పెద్ద యుద్దమే జరిగింది. అందులో పాయల్ అయితే ఎన్టీఆర్ ఫ్యాన్స్ తరుపున నిలబడింది.

పాయల్ ఘోష్ నెట్టింట్లో ఎప్పుడూ ఏదో ఒక వివాదాన్ని నెత్తిన వేసుకుంటుంది. ఆమె నెటిజన్లతో మాట్లాడటం, అందులో ఎన్టీఆర్ గురించి గొప్పగా చెప్పడం, బాలీవుడ్ స్లార్టను ఏకిపారేయడం ఇలా ఎప్పుడూ జరుగుతూనే ఉంటుంది. ముందు నుంచీ కూడా ఎన్టీఆర్ విషయంలో ఈ భామ దూకుడుగా ఉంటుంది. ఊసరవెల్లిలో తమన్నా ఫ్రెండ్‌గా పక్కనే కనిపించి మంచి పాత్రలో నటించింది. మనోజ్ ప్రయాణం సినిమాతో ఎంట్రీ ఇచ్చినా కూడా ఊసరవెల్లి సినిమాతోనే ఎక్కువ క్రేజ్ వచ్చింది.