‘సూపర్ ఓవర్’ ట్రైలర్ టాక్

ప్రముఖ తెలుగు డిజిటల్ ఫ్లాట్ ఫార్మ్ ‘ఆహా’ సినిమాలు – వెబ్ సిరీస్ లతో పాటు స్పెషల్ షో లను కూడా స్ట్రీమింగ్ కి పెడుతూ వీక్షకులను ఎంటర్టైన్ చేస్తూ వస్తోంది. ఈ క్రమంలో ”సూపర్ ఓవర్” అనే చిత్రాన్ని రిలీజ్ కి రెడీ చేశారు. జనవరి 22న ఆహా యాప్ లో విడుదల కానున్న ఈ సినిమా స్నీక్ పీక్ ను ఇటీవలే యువ హీరో శర్వానంద్ రిలీజ్ చేసాడు. తాజాగా ‘సూపర్ ఓవర్’ మూవీ ట్రైలర్ ని యువ సామ్రాట్ అక్కినేని నాగచైతన్య సోషల్ మీడియా మధ్యమాల ద్వారా విడుదల చేసి యూనిట్ ని అభినందించారు.

‘సూపర్ ఓవర్’ ట్రైలర్ చూస్తుంటే ఇదొక సస్పెన్స్ థ్రిల్లర్ అని తెలుస్తోంది. బెట్టింగ్ లకు అలవాటు పడి పోలీస్ స్టేషన్ కు సమీపంలో దొంగతనం చేసిన ముగ్గురు వ్యక్తులు.. వాళ్లను పట్టుకునేందుకు ప్రయత్నించే మరో ఇద్దరు వ్యక్తుల నేపథ్యంలో ఈ చిత్రం తెరకెక్కినట్లు అర్థం అవుతోంది. ఇందులో నవీన్ చంద్ర – చాందిని చౌదరి – అజయ్ – రాకేందు మౌళి – హర్ష ప్రధాన పాత్రల్లో నటించారు. ఈ చిత్రానికి సన్నీ ఎమ్.ఆర్ మ్యూజిక్ అందించగా.. దివాకర్ మని సినిమాటోగ్రాఫర్ గా వ్యవహరించారు. డెబ్యూ డైరెక్టర్ ప్రవీణ్ వర్మ ఈ చిత్రాన్ని తెరకెక్కించారు. డైరెక్టర్ సుధీర్ వర్మ ‘సూపర్ ఓవర్’ చిత్రాన్ని నిర్మించారు.