Samsung M51 వచ్చేసింది… 7000 ఎంఏహెచ్ బ్యాటరీ, 64MP కెమెరా.. మరి ధర ఎంతంటే?

శాంసంగ్ గెలాక్సీ ఎం51 స్మార్ట్ ఫోన్ జర్మనీలో లాంచ్ అయింది. దీనికి సంబంధించిన ప్రీ-ఆర్డర్లు కూడా అక్కడ ప్రారంభం అయ్యాయి. ఇందులో వెనకవైపు నాలుగు కెమెరాలు ఉండనున్నాయి. హోల్ పంచ్ డిస్ ప్లే, సైడ్ మౌంటెడ్ ఫింగర్ ప్రింట్ సెన్సార్ లు కూడా ఇందులో ఉన్నాయి. ఇందులో 7000 ఎంఏహెచ్ బ్యాటరీ, 25W ఫాస్ట్ చార్జింగ్ సపోర్ట్ కూడా ఉన్నాయి. ఈ ఫోన్ మనదేశంలో లాంచ్ కానుందని అమెజాన్ ఇప్పటికే టీజ్ చేసింది. ఈ ఫోన్ మనదేశంలో సెప్టెంబర్ రెండో వారంలో లాంచ్ కానుందని తెలిసింది. ఈ ఫోన్ మనదేశంలో రూ.30 వేల రేంజ్ లో ఉండే అవకాశంలో ఉండే అవకాశం ఉంది.

శాంసంగ్ గెలాక్సీ ఎం51 ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 6 జీబీ ర్యామ్ + 128 జీబీ స్టోరేజ్ తో రానున్న ఈ ఫోన్ ధరను అక్కడ 360 యూరోలుగా(మనదేశ కరెన్సీలో సుమారు రూ.31,500) నిర్ణయించారు. బ్లాక్, వైట్ రంగుల్లో ఈ ఫోన్ మార్కెట్లో లాంచ్ అయింది. దీనికి సంబంధించిన ప్రీ-ఆర్డర్లు అక్కడ ప్రారంభం అయ్యాయి.

శాంసంగ్ గెలాక్సీ ఎం51 స్పెసిఫికేషన్లు
ఇందులో 6.7 అంగుళాల ఫుల్ హెచ్ డీ+ సూపర్ అమోఎల్ఈడీ ప్లస్ ఇన్ ఫినిటీ-ఓ డిస్ ప్లేను అందించారు. ఫింగర్ ప్రింట్ సెన్సార్ ను ఫోన్ పక్కభాగంలో అందించారు. ఆక్టాకోర్ ప్రాసెసర్ పై ఈ ఫోన్ పనిచేయనుంది. శాంసంగ్ ఇది ఏ ప్రాసెసరో వెల్లడించలేదు. అయితే ఇది క్వాల్ కాం స్నాప్ డ్రాగన్ 730 ప్రాసెసర్ అయ్యే అవకాశం ఉంది. దీని ర్యామ్ సామర్థ్యం 6 జీబీగా ఉంది. స్టోరేజ్ సామర్థ్యం 128 జీబీగా ఉంది. దీన్ని మైక్రో ఎస్ డీ కార్డు ద్వారా పెంచుకోవచ్చు.

ఇందులో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగా పిక్సెల్ గా ఉంది. దీంతో పాటు 12 మెగా పిక్సెల్ అల్ట్రా వైడ్ యాంగిల్ కెమెరా, 5 మెగా పిక్సెల్ డెప్త్ సెన్సార్, 5 మెగా పిక్సెల్ మాక్రో షూటర్ లు కూడా ఇందులో ఉన్నాయి. సెల్ఫీల కోసం ముందువైపు 32 మెగాపిక్సెల్ కెమెరాను అందించారు.

ఆండ్రాయిడ్ 10 ఆధారిత వన్ యూఐ ఆపరేటింగ్ సిస్టంపై ఈ ఫోన్ పనిచేయనుంది. ఇందులో 7000 ఎంఏహెచ్ బ్యాటరీని అందించడం విశేషం. 25W ఫాస్ట్ చార్జింగ్ టెక్నాలజీని ఈ ఫోన్ సపోర్ట్ చేస్తుంది.

Related Images: