Samsung ఫ్యాన్స్‌కు గుడ్ న్యూస్.. త్వరలో సూపర్ బడ్జెట్ ఫోన్ SM-M317F లాంచ్!

శాంసంగ్ ఈమధ్యకాలంలో స్మార్ట్ ఫోన్లను విపరీతంగా లాంచ్ చేస్తుంది. ఇప్పుడు శాంసంగ్ గెలాక్సీ ఎం31ఎస్ స్మార్ట్ ఫోన్ ను తయారు చేస్తున్నట్లు లీకుల ద్వారా తెలుస్తోంది. శాంసంగ్ ఈమధ్యే లాంచ్ చేసిన శాంసంగ్ గెలాక్సీ ఎం31కు తర్వాతి వెర్షన్ గా ఈ ఫోన్ లాంచ్ కానుంది. ఈ స్మార్ట్ ఫోన్ SM-M317F మోడల్ నంబర్ తో లాంచ్ కానున్నట్లు సమాచారం. ఈ ఫోన్ గీక్ బెంచ్ వెబ్ సైట్లో కూడా కనిపించింది. ఈ లిస్టింగ్ ఈ ఫోన్ కు సంబంధించిన స్పెసిఫికేషన్లు కూడా లీకయ్యాయి.

గీక్ బెంచ్ లిస్టింగ్ ప్రకారం ఈ స్మార్ట్ ఫోన్ శాంసంగ్ ఎక్సినోస్ 9611 ప్రాసెసర్ పై పనిచేయనుంది. 6 జీబీ ర్యామ్ వరకు ఇందులో అందించనున్నారు. ఇంతకుముందు వచ్చిన మరో లీక్ ప్రకారం గెలాక్సీ ఎం31ఎస్ స్మార్ట్ ఫోన్ లో 128 జీబీ వరకు స్టోరేజ్ అందుబాటులో ఉండనుంది.

ఆండ్రాయిడ్ 10 ఆధారిత శాంసంగ్ వన్ యూఐ పై ఈ ఫోన్ పనిచేయనున్నట్లు ఈ లీకుల ద్వారా తెలుస్తోంది. గీక్ బెంచ్ 5.2.0 సింగిల్ కోర్ టెస్టులో 347 పాయింట్లను, మల్టీ కోర్ టెస్ట్ లో 1,256 పాయింట్లను ఈ ఫోన్ సాధించింది. గెలాక్సీ ఎం31 తరహాలోనే ఇందులో కూడా అమోఎల్ఈడీ డిస్ ప్లేను అందించే అవకాశం ఉంది. 64 మెగా పిక్సెల్ కెమెరాను ఇందులో అందించనున్నట్లు కూడా తెలుస్తోంది.

గెలాక్సీ ఎం31 తరహాలోనే ఇందులో కూడా 6000 ఎంఏహెచ్ బ్యాటరీని అందించే అవకాశం ఉంది. యూఎస్ బీ టైప్-సీ పోర్టుతో ఫాస్ట్ చార్జింగ్ ను కూడా ఇది సపోర్ట్ చేస్తుందని తెలుస్తోంది. ఈ స్మార్ట్ ఫోన్ లాంచ్, ధరకు సంబంధించిన వివరాలు కూడా తెలియాల్సి ఉంది.

శాంసంగ్ గెలాక్సీ ఎం31 స్మార్ట్ ఫోన్ ఈ సంవత్సరం ఫిబ్రవరిలో లాంచ్ అయింది. గెలాక్సీ ఎం31ఎస్ లో ఫీచర్ల విషయంలో పెద్దగా మార్పులు ఉండే అవకాశం లేదు. ఈ ఫోన్ ను అధికారికంగా ప్రకటించినప్పుడు దీనికి సంబంధించి మరిన్ని వివరాలు తెలిసే అవకాశం ఉంది.