పూనమ్ నగ్న భంగిమల దుమారం

తీరప్రాంతంలోని కెనకోనా జిల్లాలోని చపోలి ఆనకట్ట వద్ద అశ్లీల వీడియోను చిత్రీకరించినందుకు నటి పూనమ్ పాండేను పోలీసులు గురువారం అదుపులోకి తీసుకున్నారు. కలాంగూట్ పోలీసు బృందం పాండేను అదుపులోకి తీసుకుని తరువాత ఆమెను ప్రశ్నించడానికి కెనకోనా పోలీసులకు అప్పగించింది. అనంతరం పోలీసుల సుదీర్ఘ ఇంటరాగేషన్ పై కథనాలొచ్చిన సంగతి తెలిసిందే.

అయితే ఈ ఘటనలో ఇద్దరు పోలీసులను సస్పెండ్ చేశారు. అనుమతి లేని చోట ప్రభుత్వ ఆస్తి వద్ద వీడియోను చిత్రీకరించడానికి పూనమ్ టీమ్ కి అనుమతించినందుకు ఇన్స్ పెక్టర్ సహా ఇద్దరు పోలీసులను కూడా సస్పెన్షన్లో ఉంచారు.

డ్యామ్ వద్ద వివాదాస్పద వీడియోను చిత్రీకరించడానికి సదరు శృంగార తారకు అనుమతి ఇచ్చినందున పోలీసులు కొంతవరకు తప్పుదోవ పట్టించారని చర్యలు తీసుకోవాలని డిమాండ్ చేసిన సంగతి తెలిసిందే. నిరసనకారులు గురువారం ముందు కెనకోనా పట్టణాన్ని ఒక రోజు మూసివేస్తామని బెదిరించారు. తరువాత కెనాకోనా పోలీస్ స్టేషన్ ఇన్స్పెక్టర్ తుకారాం చవాన్ అలాగే ఒక కానిస్టేబుల్ ను సస్పెండ్ చేసినట్లు ఎస్పీ ప్రకటించారు. రాష్ట్ర హోం శాఖ విచారణ పెండింగ్ లో ఉంది.

వివాదాస్పద ఫోటోషూట్కు సంబంధించి ఆమెపై దాదాపు అరడజను రాతపూర్వక ఫిర్యాదులు వచ్చిన తరువాత బుధవారం పోలీసులు భారత శిక్షాస్మృతిలోని సెక్షన్ 294 (అశ్లీలత) కింద పాండేపై కేసు నమోదు చేశారు. చపోలి ఆనకట్టను నిర్వహించే రాష్ట్ర జల వనరుల శాఖ ఫిర్యాదులలో ఒక ఫిర్యాదు నమోదైంది.

పూనమ్ పాండే వీడియో గోవాలో రాజకీయ తుఫానుకు దారితీసింది. ఈ సంఘటన రాష్ట్రంలో పొలిటికల్ టర్న్ తీసుకోవడం చర్చనీయాంశమైంది. ముఖ్యమంత్రి ప్రమోద్ సావంత్… జల వనరుల మంత్రి ఫిలిపే నెరి రోడ్రిగ్స్ రాజీనామా చేయాలని డిమాండ్ చేస్తూ ప్రతిపక్ష పార్టీల సభ్యులు వైస్ ప్రెసిడెంట్ .. ప్రతినిధి గోవా ఫార్వర్డ్ పార్టీ దుర్గాదాస్ కామత్ నినదించారు. లేటెస్ట్ గా పూనమ్ నగ్న వీడియో కి సంబంధించిన లీకులు అంతర్జాలాన్ని షేక్ చేస్తున్నాయి. పూనమ్ నగ్నంగా నటించింది అనగానే యూత్ ఒకటే గూగుల్లో సెర్చ్ మొదలెట్టేశారు. దీంతో వార్తా చానెళ్లు టెలీకాస్ట్ చేసిన ఆ వీడియోకి విపరీతమైన లైక్ లు దక్కుతున్నాయి.