‘క్రాక్’ షూటింగ్ అప్డేట్ ఇచ్చిన మాస్ మహారాజ్..!

మాస్ మహారాజ్ రవితేజ నటిస్తున్న యాక్షన్ ఎంటర్టైనర్ “క్రాక్”. ఇందులో రవితేజ పవర్ ఫుల్ పోలీస్ ఆఫీసర్ పాత్రలో కనిపించనున్నాడు. శ్రుతి హసన్ ఈ చిత్రంలో హీరోయిన్ గా నటిస్తోంది. ఇప్పటికే విడుదలైన ‘క్రాక్’ ఫస్ట్ లుక్ మరియు టీజర్ లకు విశేష స్పందన వచ్చింది. ప్రస్తుతం ఫైనల్ షెడ్యూల్ షూటింగ్ గోవా బీచ్ లో జరుగుతోంది. దీని కోసం రవితేజతో పాటు చిత్ర బృందం మొత్తం గోవాలో ఉన్నారు. తాజాగా రవితేజ షూటింగ్ జరుగుతున్న విధానాన్ని తెలియజేస్తూ సోషల్ మీడియా.మాధ్యమాల్లో ఓ స్మాల్ వీడియో షేర్ చేశాడు. గోవా బీచ్ లో చిత్ర యూనిట్ షూటింగ్ పనుల్లో నిమగ్నమయ్యారు. ఈ వీడియో నేటి షూట్ కి ప్యాక్ అప్ చెప్పే టైంలో తీసినట్లు అర్థం అవుతోంది.

కాగా ‘క్రాక్’ సినిమా ఆంధ్రప్రదేశ్ లోని ఒంగోలు గుంటూరు పరిసర ప్రాంతంలో జరిగిన వాస్తవ సంఘటనల ఆధారంగా రూపొందుతోందని సమాచారం. షూటింగ్ పూర్తైన తర్వాత మూవీ సాంగ్స్ మరియు ట్రైలర్ రిలీజ్ చేసి ప్రమోషన్లను ప్రారంభించాలని మేకర్స్ ప్లాన్ చేసుకుంటున్నారు. ఈ చిత్రంలో వరలక్ష్మి శరత్ కుమార్ – సముద్రఖని కీలక పాత్రల్లో కనిపించనున్నారు. థమన్ ఈ సినిమాకి సంగీతం అందిస్తున్నాడు. గోపీచంద్ మలినేని దర్శకత్వంలో తెరకెక్కుతున్న ఈ చిత్రాన్ని సరస్వతి ఫిలిమ్స్ డివిజన్ బ్యానర్ పై బి. మధు నిర్మిస్తున్నారు. ఈ చిత్రాన్ని వచ్చే సంక్రాంతికి థియేటర్లలో విడుదల చేయనున్నట్లు మేకర్స్ ప్రకటించారు.

 

View this post on Instagram

 

A post shared by RAVI TEJA (@raviteja_2628)

Related Images: