ఎన్టీఆర్ కి జోడీగా మహేష్ హీరోయిన్..?

యంగ్ టైగర్ ఎన్టీఆర్ – త్రివిక్రమ్ శ్రీనివాస్ కాంబినేషన్ లో ఓ మూవీ తెరకెక్కనున్న విషయం తెలిసిందే. హారిక అండ్ హాసిని క్రియేషన్స్ మరియు ఎన్టీఆర్ ఆర్ట్స్ బ్యానర్స్ పై రాధాకష్ణ(చినబాబు) – నందమూరి కల్యాణ్ రామ్ సంయుక్తంగా ఈ చిత్రాన్ని నిర్మించనున్నారు. తారక్ ‘ఆర్.ఆర్.ఆర్’ షూటింగ్ కంప్లీట్ చేసిన వెంటనే ఈ సినిమాని ప్రారంభిస్తారని తెలుస్తోంది. ‘అరవింద సమేత వీర రాఘవ’ తర్వాత వీరిద్దరి కాంబోలో వస్తున్న ఈ చిత్రంపై భారీ అంచనాలున్నాయి. అయితే ఇందులో తారక్ సరసన హీరోయిన్ గా ఎవరు నటిస్తారన్న దానిపై రకరకాలుగా ప్రచారం జరుగుతోంది. తాజాగా బాలీవుడ్ బ్యూటీ కియారా అద్వానీని ఎన్టీఆర్ కి జోడీగా తీసుకోనున్నట్టు వార్తలు వస్తున్నాయి.

కియారా ‘భరత్ అనే నేను’ అనే సినిమాతో టాలీవుడ్ లో అడుగుపెట్టింది. ఒక్క సినిమాతో తెలుగులో స్టార్ హీరోయిన్ హోదా సంపాదించుకున్న కియారా.. వెంటనే ‘వినయ విధేయ రామ’ సినిమాలో నటించింది. ఈ మూవీ ప్లాప్ అయిన తర్వాత ఈ బ్యూటీ మరో తెలుగు సినిమాలో నటించలేదు. ఈ క్రమంలో తారక్ – త్రివిక్రమ్ సినిమాలో నటించడానికి ఒప్పుకుందని టాక్ నడుస్తోంది. ఈ పాత్ర గురించి చెప్పగానే కియారా కూడా సుముఖత వ్యక్తం చేసిందని అంటున్నారు. ఇందులో నిజమెంతో తెలియాలంటే అధికారిక ప్రకటన వచ్చే వరకు ఆగాల్సిందే.