జియోఫైబర్ వినియోగదారులకు గుడ్ న్యూస్.. ఉచితంగా మరో స్ట్రీమింగ్ సర్వీస్!

0

ప్రముఖ స్ట్రీమింగ్ సర్వీస్ లయన్స్ గేట్ ప్లే.. జియోతో చేతులు కలిపింది. జియో ఫైబర్ వినియోగదారులకు ఈ సేవలు ఉచితంగా లభించనున్నాయి. దీని ద్వారా లయన్స్ గేట్ ప్లే సర్వీస్ లో ఉండే సూపర్ హిట్ హాలీవుడ్ సినిమాలన్నీ మీరు జియో టీవీ ప్లస్ యాప్ ద్వారా ఉచితంగా చూడవచ్చు. ఈ జియో టీవీ యాప్ ను జియో సెట్ టాప్ ద్వారా ఉపయోగించుకోవచ్చు. లయన్స్ గేట్ ప్లే ప్రీమియం యాక్సెస్ కూడా జియో ఫైబర్ వినియోగదారులకు ఉచితంగా లభిస్తుంది. హార్రర్, కామెడీ, డ్రామా, యాక్షన్, థ్రిల్లర్, డాక్యుమెంటరీ ఇలా అన్ని రకాల కంటెంట్ ఇందులో అందుబాటులో ఉంటుంది.

దీని ద్వారా స్టార్జ్ ఒరిజినల్ సిరీస్, ఇతర ప్రముఖ కార్యక్రమాలతో సహా.. 7,500 వేర్వేరు ప్రీమియం ఎపిసోడ్లను చూడవచ్చు. అంతేకాకుండా ఇందులో ఉన్న కంటెంట్ హిందీ, మరాఠీ, తమిళం, తెలుగు, కన్నడ, భోజ్ పురి భాషల్లో కూడా అందుబాటులో ఉండనుండటం విశేషం. జియో ఫైబర్ సిల్వర్, లేదా అంతకంటే ఎక్కువ ప్లాన్లు ఉపయోగించేవారికి ఈ ఆఫర్ వర్తించనుంది. జియో ద్వారా భారతీయ వినియోగదారులకు మరింత చేరువ అవుతామని లయన్స్ గేట్ సౌత్ ఆసియా మేనేజింగ్ డైరెక్టర్ రోహిత్ జైన్ తెలిపారు.

టెక్నాలజీలో పెట్టుబడి పెడుతూ జియో వంటి గొప్ప సంస్థలతో భాగస్వామ్యం వంటి వాటిని తాము భవిష్యత్తులో కూడా కొనసాగిస్తామని జైన్ తెలిపారు.