సాగ‌ర‌క‌న్య‌తో మాస్ రాజా హుక్ స్టెప్!

టైగర్ నాగేశ్వ‌రావు రిలీజ్ కి ఇంకా ప‌ది రోజులే స‌మ‌యం ఉండ‌టంతో యూనిట్ ప్ర‌చారంలో ప‌నుల్లో బిజీ అయిన‌ట్లు తెలుస్తోంది. ర‌వితేజ కెరీర్ లో తొలి పాన్ ఇండియా చిత్రం కావ‌డంతో రాజాకి నార్త్ మార్కెట్ ఎంతో కీల‌కం. తెలుగు రాష్ట్రాల్లో అత‌ని సినిమాకి ఎలాంటి ఇబ్బంది ఉండ‌దు. పోటీగా ‘లియో’ లాంటి సినిమా ఉన్నా! తెలుగు మార్కెట్ లో హిట్ టాక్ వ‌స్తే రాజాని ఢీ కొట్ట‌డం అసాధ్యం.

అయితే ఇత‌ర భాష‌ల్లోనూ టైగ‌ర్ నాగేశ్వ‌ర‌రావు ఎలా రాణిస్తాడు? అన్న‌ది ఆస‌క్తిక‌రం. ముఖ్యంగా హిందీలో ఇదే తొలి రిలీజ్ కావ‌డంతో ర‌వితేజ అక్క‌డ ప్ర‌చారంపై ప్ర‌ధానంగా దృష్టి పెట్టిన‌ట్లు తెలుస్తోంది. హీరోయి న్లు..కింద‌స్థాయి న‌టులంతా హైద‌రాబాద్ లో ఉండి ప్ర‌చారం నిర్వ‌హిస్తుంటే రాజా ఒక్క‌డే సోలోగా ముంబైలో తిష్ట వేసిన‌ట్లు క‌నిపిస్తుంది. తాజాగా బాలీవుడ్ టాలెంట్ షో ‘ఇండియాస్ గాట్ టాలెంట్’ కి ర‌వితేజ హాజ‌ర‌య్యాడు. ఆ షో హెస్ట్ లో ఒక‌రైన శిల్పాశెట్టి తో క‌లిసి రాజా డాన్సులు చేసారు.

త‌న సినిమాలోని “ఏక్ దమ్ ఏక్ దమ్” పాటకు డాన్సులు చేసారు. ఇద్ద‌రు హుక్ స్టెప్ వేసి ఆక‌ట్టుకు న్నారు. ఆ వీడియోఎని శిల్పా శెట్టి కుంద్రా సోషల్ మీడియాలో షేర్ చేసింది. ర‌వితేజ బ్లాక్ అండ్ బ్లాక్ స్పోర్స్ట్ దుస్తుల్లో క‌నిపిస్తుండ‌గా..శిల్పాశెట్టి ప‌సుపు వ‌ర్ణం చీర‌ల ధ‌గ‌ధ‌గ‌లాడిపోతుంది. శిల్పాశెట్టి చేతికి ధ‌రించిన గాజులు మాత్రం స‌మ్ థింగ్ స్పెష‌ల్ గా ఫోక‌స్ అవుతున్నాయి. ర‌విక మ్యాచింగ్ గాజులు ధ‌రించిన‌ట్లు క‌నిపిస్తుంది.

ప్ర‌స్తుతం ఈ వీడియో అంత‌ర్జాలంలో వైర‌ల్ గా మారింది. ర‌వితేజ అభిమానులు సాగ‌ర‌క‌న్య‌తో డాన్సు చూసి మురిసిపోతున్నారు. మ‌రి ముంబైలో తిష్ట వేసిన ర‌వితేజ‌కి క‌ర‌ణ్ జోహార్ నుంచి పిలుపు రాలేదా? అన్న‌ది చూడాలి. టాలీవుడ్ సెల‌బ్రిటీలు ఎవరు ముంబైలో క‌నిపించినా క‌చ్చితంగా క‌ర‌ణ్ షోలోనూ పాల్గొంటారు. ఆయ‌నే ప్ర‌త్య‌కంగా ఆహ్వానిస్తారు. మ‌రి ర‌వితేజ‌కి ఆహ్వానం అందిందా? లేదా? అన్న‌ది తెలియాలి. ఒక‌వేళ అలాంటిదే ఉంటే ఇప్ప‌టికే ప్రోమోలు లీక‌య్యాయి. మ‌రి ఆసంగ‌తేంటో తేలాలి.